WES-KAAP. – Meer as 800 gevangenes en Pollsmoor-gevangenis is Woensdag deur die departement van korrektiewe dienste (DKD) deursoek, waartydens op onder meer 119 selfone beslag gelê is. Dr. Pieter Groenewald, DKD-minister, het voorheen gesê deursoekings by korrektiewe instellings sal regdeur die land voortduur.
Singabakho Nxumalo, DKD-woordvoerder, sê in ‘n verklaring die deursoeking is in die aand uitgevoer. Buiten die selfone, is selfoonherlaaiers en ander selfoontoerusting, simkaarte, 81 skerp voorwerpe, 37 daggapype, 305 pakkies dagga, tik en Mandrax-tablette, so wel as kontant en ander items by die gevangenes afgeneem.
Makgothi Thobakgale, DKD- nasionale kommissaris, sê die operasie was daarop gemik om die departement se verbintenis tot ‘n veilige omgewing vir aangehoudenes en amptenare te versterk.
Lees die volledige verklaring hier onder:
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
