GAUTENG. – Tiffany Nicole Meek (31), die ma wat daarvan aangekla word dat sy Jayden-Lee Meek (11), haar seun, vermoor het, is deur die Roodepoort-landdroshof borgtog geweier. Die hof het beslis dat dit nie in die belang van geregtigheid is om haar op borgtog vry te laat nie.
Volgens Phindi Mjonondwane, die NVG se streekwoordvoerder, het die hof opgemerk dat Meek in staat is om te mislei en moontlik getuies kan beïnvloed. Indien sy skuldig bevind word, word sy deur ’n lewenslange vonnis in die gesig gestaar, wat ’n sterk aansporing is om die verhoor te ontduik. Meek word aangekla van die verydeling van die regspleging, belemmering van die administrasie van justisie, crimen injuria, poging tot regsverydeling en die moord op haar seun in Fleurhof.
Die oorledene is op 13 Mei 2025 as vermis aangemeld. Die volgende oggend is sy nakende liggaam gevind langs die trap in die kompleks waar hy en sy ma gewoon het. Volgens ondersoeke het hy daardie dag van die skool af huis toe gegaan en is vermoedelik in die huis vermoor. Daar word beweer dat die ma probeer het om die toneel te verander om owerhede te mislei.
Die saak is vir vedere ondersoek tot 17 September uitgestel.
Mjonondwane sê die NVG bly toegewyd aan die stryd teen kindermoord en om vermeende oortreders van gewelddadige misdade teen kinders aanspreeklik te hou.
Lees ook meer hier onder:
