MADAGASKAR. – Die president van Madagaskar, Andry Rajoelina, het gesê hy skuil in ‘n “veilige plek” ná ‘n poging op sy lewe ná weke se betogings om sy bedanking te eis.
Lees ook: Madagaskar-president waarsku oor staatsgreep
Sy kantoor het Sondag gesê ‘n groep probeer onwettige beheer van die land neem. Rajoelina het ook beweer ‘n “groep weermagpersoneel en politici was van plan om my dood te maak”.
Dit volg nadat betogings op 25 September oor water- en kragonderbrekings en ongelukkigheid oor Rajoelina se regering, hoë werkloosheid, korrupsie en die hoë lewenskoste uitgebreek het. Die betogers het geëis dat hy bedank. Hy het sy hele regering afgedank, maar dit het nie die betogings gestop nie.
‘n Weermageenheid bekend as CAPSAT het by die betogers aangesluit en het Sondag beweer dit het leierskap van die weermag oorgeneem en dat dit in beheer van die land, lug en vloot is. CAPSAT het ook ‘n nuwe hoof van weermagpersoneel aangestel, genl. Demosthene Pikulas, wat die publiek verseker het die veiligheidsmagte werk saam om orde in die land te handhaaf.
Bronne: BBC, CBC, The Indian Express
