LIMPOPO. – ‘n Man (27) het glo Saterdagaand eers sy vrou in hulle huis met ‘n byl doodgekap, voordat hy sy eie lewe geneem het.
Kol. Malesela Ledwaba sê die Levubu-polisie is besig met ‘n ondersoek na die tragiese voorval wat omstreeks 18:30 plaasgevind het. Met aankoms op die toneel het die polisie die vrou met erge beserings aangetref. Die liggaam van die man het van die dak gehang.
Ledwaba sê die motief vir die tragedie is onbekend, maar huishoudelike geweld kan nie uitgesluit word nie.
Die polisie het sake van moord en ‘n geregtelike doodsondersoek geopen.
