LIMPOPO. – ‘n Man (29) en ‘n vrou (31) is Saterdagaand, beide met skietwonde, op Maake dood aangetref.
Kol. Malesela Ledwaba sê met aankoms op die toneel in Thabine, Ga-Mmaphala-woonbuurt, was paramedici reeds teenwoordig en besig met hulp aan die slagoffers. Beide is egter dood verklaar.
Die Maake-polisie ondersoek ‘n moord en doen ‘n geregtelike doodsondersoek.
Die voorlopige ondersoek dui aan ‘n huishoudelike skermutseling het tot die skietery gelei.
Ledwaba sê die voorval word behoorlik ondersoek.
Lt.genl. Thembi Hadebe het enigiemand wat probleme met huishoudelike geweld ondervind, aangemoedig om dadelik hulp te soek.
