VRYSTAAT. – ‘n Man (38) wat glo Dinsdag probeer het om polisielede by die Maseru-grenspos tydens ‘n stop-en-deursoekings-operasie om te koop, is in hegtenis geneem. Hy het na bewering ‘n groot bedrag onverklaarde geld in sy besit gehad en is in hegtenis geneem.
Sers. Mahlomola Kareli sê die verdagte is met ‘n groot sak met ‘n groot som banknote voorgekeer. Hy kon nie ‘n verduideliking vir die geld gee nie en is op die vermoede van die besit van gesteelde geld in hegtenis geneem.
Die man het na bewering probeer om die arresterende beampte met ‘n bedrag van R50 000 om te koop sodat hy nie in hegtenis geneem moet word nie.
Buiten die besit van vermoedelik gesteelde geld is ‘n klag van omkopery teen die verdagte bygevoeg.
“We commend the team for being this vigilant and not allowing to be corrupted by the suspect,” sê genl.maj. Len Singh, die waarnemende provinsiale kommissaris.
Die vedagte sal binnekort in die Ladybrand-landdroshof verskyn.
