Meta se uitvoerende hoof, Mark Zuckerberg, het tydens ’n verhoor oor sosialemediaverslawing gesê Facebook en Instagram laat nie kinders onder 13 op hulle platforms toe nie. Hy is egter daarna gekonfronteer met bewyse wat daarop dui dat die ouderdomsgroep ’n sleutel-demografiese groep was. Die Meta-platform besit Instagram en Facebook en het meer as 3.5 biljoen gebruikers.
Die hof was stampvol toe Zuckerberg sy eerste getuienis oor kinderveiligheid voor ‘n jurie gelewer het.
Ouers, sowel as tegnologiebeleid- en kinderveiligheidsgroepe, het die maatskappy daarvan beskuldig dat dit jongmense aan sy toepassings verslaaf. Die maatskappy word verder daarvan beskuldig dat die platform geestesgesondheidsprobleme veroorsaak wat lei tot angs, depressie, eetversteurings en selfbesering.
Lees ook: https://nuusflits.com/oormatige-skermtyd-bedreig-kinders-se-geestesgesondheid-se-kenners/
‘n Jong vrou dagvaar Instagram en YouTube vir gevolglike skade aan haar geestesgesondheid as kind. Haar prokureur, Mark Lanier, het Zuckerberg konfronteer met Meta-dokumente wat bewys dat jong kinders die sleutel-demografiese groep is. Zuckerberg het die stelling ontken. Hy het voorts gesê dat beide Meta en Google protokolle in plek het om gebruikers se veiligheid te verseker.
“As ons groot wil wen by tieners, moet ons hulle reeds as ‘tweens’ betrek,” het ’n interne Instagram-aanbieding in 2018 gelui. “En tog sê jy dat ons dit nooit sou doen nie,” het Lanier aan Zuckerberg gesê. Zuckerberg het daarop geantwoord het dat Lanier sy stelling, “verkeerd weergee.”
Sou Meta die saak verloor, sal hy moontlik skadevergoeding moet betaal.
