LIMPOPO. – ‘n Beweerde ontvoeringsmeesterbrein (44) wat van die Protea-landdroshof in Johannesburg ontsnap het, is Donderdagoggend gearresteer waar hy in Bela-Bela (Warmbad) geskuil het.
Lt.kol. Stephen Thakeng sê die verdagte is met samewerking van die Waterberg-blitspatrollie, Vision Security en Gauteng- provinsiale georganiserde misdaadeenheid vasgetrek. Die verdagte het ontsnap voordat hy op aanklagte van ontvoering wat glo in 2025 gepleeg is, kon teregstaan. ‘n Lasbrief vir inhegtenisname is uitgereik, waarna daar vinnig reageer is om hom weer te arresteer. Hy sal binnekort op aanklagte van ontsnapping uit wettige aanhouding en ontvoering in die Lenasia-landdroshof voorkom.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
