‘n Tienjarige meisie het Saterdagoggend langs die kus op die Strand in Kaapstad verdrink.
Die Nasionale Seereddingsinstituut (NSRI) het in ‘n verklaring gesê die meisie is oorspronklik van Stellenbosch.
Die dogtertjie is eers as vermis aangemeld en só het die soektog na haar begin.
Alan Meiklejohn, NSRI Gordonsbaai se stasiebevelvoerder, sê ‘n groot groep, onder andere lede van ambulansdienste, lewensredders en die Wes-Kaapse departement van gesondheid het na die meisie begin soek.
Die groep het in die rigting waar die meisie aanvanklik vermis geraak het, begin soek. Hulle het haar ‘n entjie weg van waar sy geswem het, leweloos op die water sien dryf.
“Sy is na paramedici op die strand geneem, waar sy dood verklaar is,” sê die NSRI.
Die polisie ondersoek haar dood.
Volg FiND iT hier op Facebook.
Lees ook: Brand by parlementsgebou onder beheer
