Die twee meisies van Kimberley, wat sedert vanoggend 10:00 vermis is, is gevind.
Antoinette Herholdt, een van die meisies, Tanya Herholdt (13), se ma, sê die meisies is op ‘n bus buite Klerksdorp gevind. Die ander meisie is Jeneské Conradie (13).
“Ons het dit by die polisie aangegee en die polisie het die Greyhound-bus net buite Klerksdorp afgetrek. Die meisies is by die polisie en die ander meisie se ma het gery om hulle te gaan haal. Ek sit hier by die polisiekantoor,” het Antoinette aan FiND iT gesê.
