Motoriste gaan vanaf Woensdag 3 April baie meer moet opdok om hulle voertuie vol brandstof te maak.
Jeff Radebe, minister van energie, het ’n verhoging van R1.34 vir 93-oktaan brandstof in die binneland aangekondig.
Radebe sê: “Die verhoging word deur verskeie faktore beïnvloed. Die wisselkoers en die swakker rand het ongeveer 30c per liter by die petrolprys gevoeg. Brent-ruolie is duurder en het die prys van brandstof met ’n verdere 78c per liter opgestoot.”
“Plaaslike redes het ook die prys beïnvloed. Die heffing op brandstof vir die padongelukfonds het die prys van brandstof met ’n verdere 20c per liter opgejaag. Vervoerkoste het ook ’n invloed op die finale prysverhoging gehad,” verduidelik Radebe.
Prysverhogings vir 3 April
- Petrol (93 oktaan ULP and LRP): 134.00 sent per liter toename
- Petrol (95 oktaan, ULP and LRP): 131.00 sent per liter toename
- Diesel (0.05% swael): 81.70 sent per liter toename
- Diesel (0.005% swael): 82.70 sent per liter toename
- Paraffien (grootmaat): 63.00 sent per liter toename
- SMNRP vir IP: 65.00 sent per liter toename
- PLG: 171.00 sent per kilogram toename;
