INTERNASIONAAL. – Victoria Kjaer, Mej. Denemarke, is Saterdagaand in Mexico as die heelal se mooiste gekroon en spog nou met die gesogte titel van Mej. Heelal.
Mia le Roux, Mej. Suid-Afrika, het weens gesondheidsredes aan die kompetisie onttrek. Daarna het SABC aangekondig die kompetisie sal nie meer deur hulle uitgesaai word nie.
Chidimma Adetshina, Mej. Nigerië, dra die Mej. Heelal-opvolgerkroon. Adetshina het aanvanklik aan Mej. SA deelgeneem, maar moes weens omstrede beweringe van ID-bedrog aan die kompetisie onttrek.
Maria Fernanda Betral, Mej. Mexico, het derde geëindig, gevolg deur Mej. Thailand en Mej. Venezuela.
