PRETORIA, GAUTENG. – Twee weke gelede is daar geskiedenis gemaak toe Bella, ’n twaalfjarige spanjoel, die vierde dier ter wêreld geword het om ’n menslike mediese apparaat te ontvang om haar sig te red.
Bella het haar linkeroog weens gloukoom verloor. Die siekte word veroorsaak deur opbouende druk wat oogsenuwees beskadig en tot blindheid lei.
Nadat Bella se linkeroog verwyder is, het sy mediese behandeling vir haar toestand ontvang. Dit was egter onsuksesvol en sy het simptome in haar regteroog begin toon.
Dr. Lo-An Odayar van die Valley Farm-dierehospitaal het aanbeveel dat ’n Paul Glaucoma-inplanting gedoen word. Die inplanting is oorspronklik vir die behandeling van die siekte by mense ontwikkel.
Bella is die eerste nie-menslike ontvanger van die inplanting in Afrika en die vierde ter wêreld.
Die hospitaal het in ’n verklaring gesê die operasie was suksesvol, aangesien die inplanting die vog wat die druk in haar oog verhoog het, absorbeer. Bella is tuis en sterk goed aan.
Die hospitaal het die volgende foto’s gedeel:
Bronne: Valley Farm Animal Hospital, Facebook
