GAUTENG. – Die polisie hou 57 immigrante aan wat Woensdag by ‘n huis in Mngadi was om Mosambiekse-identiteitsdokumente te bekom wat daar gemaak word.
Brig. Brenda Muridili sê buiten die immigrante wat aangehou word, is daar op die toerustig sowel as die identiteitskaarte beslag gelê. Nadat inligting ontvang is, het die Katlehong-polisie saam met die departement van binnelandse sake gemobiliseer.
Beamptes van binnelandse sake werk daaraan om die immigrasiestatus van die immigrante vas te stel. Diegene wat onwettig in die land is, sal vir die oortreding van die immigrasiewet in hegtenis geneem word.
Die vervaardigers van die identiteitsdokumente het ‘n brief wat hulle beweer hulle toestemming gee om Mosambiekse burgers wat in die area woon en nie hulle geboorteland se identiteitkaarte het nie bymekaar te kry. Ondersoek na die egtheid van die brief word ingestel.
