FLORIDA, VSA. – Die Nasa-veteraanruimtevaarders Butch Wilmore en Sunita Williams is terug op die Aarde na net meer as nege maande in die ruimte.
Lees ook: Gestrande ruimtevaarders keer uiteindelik terug Aarde toe
Hulle het met die SpaceX Dragon Freedom-tuig teruggekeer wat naby die kus van Florida in die see geland het.
Wilmore en Williams het op 5 Junie 2024 by die Internasionale Ruimtestasie met die Boeing Starliner aangekom. Hulle sou oorspronklik agt dae daar bly, maar aandrywingsprobleme met die Starliner het veroorsaak dat hulle verblyf tot 286 dae uitgerek is.
Wilmore en Williams sal nou 45 dae by die Johnson-ruimtesentrum in Houston deurbring en roetine-gesondheidsondersoeke ondergaan.
Bronne: The Times Of India, NPR, New York Times
Lees ook: Gestrande ruimtevaarders keer uiteindelik terug Aarde toe
