GAUTENG. – ‘n Nigeriese sakeman (48) wat glo Woensdag in Fordsburg, Johannesburg ontvoer is, is gisteraand deur die polisie se teen-ontvoeringstaakspan gered. Hy is by ‘n gastehuis in Ferndale, Randburg, opgespoor en sewe verdagtes is in hegtenis geneem.
Volgens brig. Athlenda Mathe is die sakeman binne minder as 24 uur opgespoor.
Mathe sê daar is op ses voertuie wat glo deur die verdagtes gebruik was, beslag gelê. Geld wat na bewering van die sakeman se bankrekening onttrek was, is ook teruggekry.
Die teen-ontvoeringstaakspan het volgens Mathe in die afgelope twee jaar ten minste 300 verdagtes vasgetrek vir ontvoeringsinsidente waartydens slagoffers vir losprysbetalings ontvoer is.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel
