Groot twis oor Francois Pienaar (53) se standpunt oor Black Lives Matter het glo op die Springbok-wêreldbekerspan van 1995 se WhatsApp-groep uitgebreek.
Van Pienaar se oudspanmaats is glo ontsteld en het hom gekritiseer oor sy knieval om solidariteit te toon met die Black Lives Matter-beweging voor die onlangse Solidarity Cup-krieketwedstryd en voel glo sy optrede hulle ook nou met dié beweging assosieer.
Die gesprek op die groep het glo so intens geraak dat Pienaar die groep verlaat het.
Vier ander spanlede het daarna ook die groep verlaat.
Pienaar het in ’n onderhoud aan Rapport gesê dat enige familie ’n meningsverskil kan hê en daar word te veel van die saak gemaak. “Die vertrekpunt van BLM by die Solidariteit-krieketwedstryd is dat ons teen enige vorm van rassisme en onderdrukking is.”
Lees Rapport se berig hier: https://www.netwerk24.com/Nuus/Algemeen/bokke-in-bitter-black-lives-twis-20200802
