Oudpresident Jacob Zuma se naam word genoem in die nuutste Epstein-lêers wat pas deur die Amerikaanse departement van justisie uitgereik is.
Volgens SABC News het hy in 2010 ‘n ete, aangebied deur Jeffrey Epstein, in die Ritz-hotel bygewoon terwyl hy op ‘n staatsbesoek aan die VK was. Meer as 3 miljoen bladsye inligting wat verband hou met die ondersoek na die veroordeelde seksoortreder, wyle Jeffrey Epstein, is onlangs in opdrag van die Amerikaanse president, Donald Trump, openbaar gemaak. Trump was in die 1990’s met Epstein bevriend.
Onder die lêers was ‘n e-pos van ene Mark Lloyd wat lui dat ‘n sekere Vera, glo ‘n Russiese model, ook na die ete genooi is. In ‘n ander e-pos het sy die uitnodiging aanvaar.
Die Jacob Zuma-stigting het in reaksie die bewerings as spekulasie bestempel en gesê hulle beskou die saak as afgehandel.
Bronne: SABC News, Business Day
