Klein Marlin Wilkinson (4) is op Vadersdag deur haar eie perd geskop. Haar pa, wat naby haar besig was om ’n perd te voer, het gedink sy is dood. “Hy het met haar, pap en doodstil, in sy arms tot by die huis gehardloop. Haar kop was op twee plekke stukkend, die een gedeelte het soos ’n duik gelyk en toe die bloeding stop, kon ons mooi sien daar was stukkende been en ons kon stukkies van haar brein sien. “Marlin se koppie het baie gebloei. Dit het ongelooflik seer gelyk! Ek het op my knieë geval en die Here gesmeek om ons dogtertjie se lewe te spaar.”
