Corné Ferreira, ’n plaaslike melkboer van Vereeniging, was genoodsaak om weens elektrisiteisonderbrekings vars melk weg te gooi. Ondanks pogings om die melk teen ’n lae prys aan die gemeenskap beskikbaar te stel, kon dié boer nie al die vars melk verkoop nie en moes hy dit noodgedwonge op sy lande uittap.
Ferreira sê aan Nuusflits ‘n advertensie is geskep en hy het sy prys selfs nog verder verminder. Teen R6 per liter melk kon hy ‘n tweede vrag melk verkoop kry. Hy sê hy dank die Here daarvoor. Die aanvraag was toe so groot dat hy selfs tans ‘n tekort aan melk het.
