NOORDWES. – Adj.off. Jack Motlhabya (37), adj.off. Menzi Shabalala (38), sers. Ntutuko Dladla (40) en sers. Samkelo Mbotho (38) is Vrydag gearresteer nadat Neo James Tiger Tshwaeli, die beweerde meesterbrein van Stilfontein, uit wettige aanhouding ontsnap het.
Brig. Sabata Mokgwabone sê die vier polisielede is aan die Stilfontein Vala Umgodi-operasie verbonde. Al vier het reeds op aanklag van regsverydeling in die Stilfontein-landdroshof verskyn en is elk op R1 000 borg vrygelaat. Interne departementele stappe is ook teen hulle ingestel.
