GAUTENG. – President Cyril Ramaphosa het Dinsdag ‘n eenstop-navorsings- en mediese fasiliteit, geleë by die Steve Biko Akademiese Hospitaal, in Pretoria besoek.
Volgens sosialemediaplasings van die nasionale gesondheidsdepartement en die presidensie het dr. Aaron Motsoaledi, die minister van gesondheid, Panayza Lesufi, die Gautengse premier en Nomantu Nkomo-Ralehoko, die Gautengse LUR vir gesondheid en welstand die president tydens die oorsigbesoek aan die kerngeneeskunde-navosingsinfrastruktuur (NuMeRI) vergesel. Die fasiliteit, ‘n vennootskap van die samewerking deur die samewerking van die departement van gesondheid, die departement van wetenskap, tegnologie en innovasie, die Universiteit van Pretoria en die privaatsektor, is aan die ontwikkeling van kanker- en TB-medikasie, asook beeldgebaseerde kliniese navorsing toegewy.
Die president het ook die hartkateterisasielaboratorium, wat deel vorm van die hospitaal se radiologie-afdeling, besoek. Volgens die plasing het die besoek SA se verbintenis tot wetenskaplike innovasie, billike toegang tot gesondheidsorg en geïntegreerde infrastruktuurbelegging beklemtoon.
Lees ook meer hier onder:
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by nuus@nuusflits.com
