GAUTENG. – Stukke renosterhoring met ‘n gewig van 10 kg is onderweg na China op OR Tambo Internasionale Lughawe onderskep.
Brig. Athlenda Mathe sê polisielede by die lughawe was besig met weeklikse operasies toe die vier stukke renosterhoring tydens deursoeking in ‘n vragversendingpakhuis ontdek is. Die lede het ‘n kunsbeeld opgemerk wat verdag lyk. Met verdere inspeksie is die renosterhoringstukke binne-in gevind.
Mathe sê geen arrestasies is gemaak nie. Die oorsprong van die renosterhoring en die verifikasie van die bestemde adres soos op die verskepingsetiket aangedui, word ondersoek.
