BRITSE MAAGDE-EILANDE. – ’n Suid-Afrikaanse sjef is op Richard Branson se Necker-eiland in die Britse Maagde-eilande oorlede.
Lees ook: Vier mense dood in Russiese lugaanval op Oekraïne
Sihle Somdaka, ’n gerespekteerde sjef wat voorheen by Opa Doha in Katar en Razzmatazz in Koeweit gewerk het, is oorlede nadat hy Vrydag beheer oor ’n elektriese karretjie (buggy) verloor het.
Hy was besig om ’n afskeidspartytjie by die eiland se Great House te verlaat toe die ongeluk plaasgevind het. KPR is op hom toegepas en daar is met hom na ‘n hospitaal gejaag, maar is later dood verklaar as gevolg van ’n kopbesering.
Richard Branson, wat nie op die eiland was tydens die ongeluk nie, het sy medelye uitgespreek en is glo in kontak met Somdaka se familie en die werkers op die eiland.
Owerhede is besig om die oorsaak van die ongeluk te ondersoek.
Bronne: SA People, The Citizen, The Africa
