NOORDWES. – ‘n Seun (41) het glo Donderdagaand sy ma (73) in haar huis in die Matolong-woonbuurt aangerand en sal Maandag in die Taung-landdroshof verskyn.
Kol. Adéle Myburgh sê ‘n beskermingsbevel was teen die seun uitgereik, maar hy het huis toe gegaan en steeds sy ma aangerand. Nadat die voorval Vrydag aan die polisie gerapporteer is, is hy vir oortreding van die wet op gesinsgeweld in hegtenis geneem.
Volgens lt.genl. Sello Kwena, die provinsiale kommissaris, is die geval hartseer, omdat die seun veronderstel is om sy ma te beskerm.
Kry jou nuutste nuus elke oggend per e-pos. Teken hier aan:
