OOS-KAAP. – ‘n Man (58) is in hegtenis geneem in verband met die moord op Shaune Marais (56), wat verlede Vrydag (23 Oktober) tydens ‘n beweerde padwoede-voorval in Circularrylaan, Lorraine, Gqeberha, noodlottig gesteek is. Die verdagte sal na verwagting vandag in die Gqeberha-landdroshof verskyn.
Kapt. André Beetge, polisiewoordvoerder, sê speurders van die Walmer-polisie het die verdagte Donderdag (29 Oktober) ná vyf dae se intensiewe ondersoek in hegtenis geneem. ‘n Sportnutsvoertuig (SUV) is ook vir verdere forensiese ontleding in beslag geneem.
Die ondersoek duur voort.
Kry jou nuutste nuus elke oggend per e-pos. Teken hier aan:
