KWAZULU-NATAL. – ’n 44-jarige man is glo Saterdag, terwyl hy by sy huis in Brindhaven geslaap het, per ongeluk deur die skerp rand van ’n gebreekte keramiekornament beseer.
Reaction Unit South Africa (Rusa) is na ’n woning in Cherry Place ontbied nadat ’n buurman om dringende mediese hulp gevra het. Die man is met ’n ernstige snywond aan sy regterpols aangetref en het baie bloed verloor. Volgens die beseerde man het die keramiekornament voorheen langs sy bed gebreek. Hy het glo in sy slaap omgedraai en sy pols teen die skerp rand van die gebreekte voorwerp gestamp. Sy ma was ook tuis. Rusa-beamptes het onmiddellik die wond verbind en druk toegepas om die bloeding te probeer beheer.
Die man is daarna na ’n privaat mediese fasiliteit vervoer.
