OEKRAÏNE. – Agt mense is dood en 24 is gewond nadat Rusland ’n groot aanval met hommeltuie, vuurpyle en ballistiese missiele deur die nag en vanoggend op Kijif, Oekraïne, geloods het.
Lees ook: Tien mense, insluitend kinders, dood in Russiese aanvalle op Oekraïne
Volgens die Oekraïense minister van binnelandse sake, Ihor Klymenko, is twee kinders in die aanval oorlede. Die dodetal sal waarskynlik nog styg.
Die hoof van Kijif-stad se administrasie, Tymur Tkachenko, het gesê ’n 5-verdieping residensiële gebou is vernietig nadat dit getref is. Tkachenko het verder gesê nog verdiepinggeboue is in Kijif geteiken. Brande het in van die geboue uitgebreek.
Reddingswerkers is besig om na oorlewendes te soek wat onder die rommel vassit.
Bronne: Euronews, ABC News, The Independent
Lees ook: Rusland teiken Oekraïne met grootste lugaanval in maand ure ná Zelenski-Trump-gesprek
