KAMBODJA. – ’n Bekende mynopruimingsrot, wat met ’n goue medalje vir sy heldhaftigheid vereer is, is verewig met die wêreld se eerste standbeeld wat aan ’n landmyn-opsporingsrot opgedra is.
Volgens die BBC het Magawa, wat agt jaar oud geword het, gedurende sy vyfjaarloopbaan wat in 2016 begin het, meer as 100 landmyne en ander plofstof in Kambodja uitgesnuffel.
’n Standbeeld van die knaagdier, wat deur kunstenaars uit plaaslike klip gekerf is, is Vrydag in Siem Reap, Kambodja, onthul – betyds vir die Internasionale Dag vir Bewustheid van Landmyne op 4 April.
Landmyne bly ’n voortdurende risiko in Kambodja, en meer as ’n miljoen mense woon en werk steeds op grond wat met myne en onontplofte ammunisie besmet is, volgens die Verenigde Nasies.
Bronne: BBC, Cam Ness
