Die nooddienste is steeds in die duister na ’n passasiersbus Donderdag omstreeks 16:20 net buite Barkly-Wes vlam gevat en uitgebrand het.
Lulu Mxekezo, woordvoerder van die departement van gesondheid, het bevestig dat hulle steeds die oorsaak van die brand ondersoek.
“Die departement van gesondheid bevestig dat geen pasiënte of bestuurders enige beserings tydens die ongeluk opgedoen het nie. Daar was ook geen verlies of skade aan persoonlike besittings nie,” se sy. “Alle pasiënte wat betrokke was by dié voorval is veilig huis toe vervoer.”
Mxebezo verduidelik ook dat slegs padwaardige en gelisensieerde voertuie gebruik word om pasiënte te vervoer.
