Die regsfonds wat deur die Bittereinders vir Steve Hofmeyr gestig is ter ondersteuning van sy saak teen die MRK, is amptelik oop.
Devon Hofmeyr, Steve se seun, sê die hofsaak sal vroeg in September in die Oos-Kaap begin.
“Ek wil graag saam met julle hande vat deur hierdie stryd en dit vir my pa, ‘n held vir baie, makliker maak,” sê Devon.
Die menseregtekommissie (MRK) het ‘n saak teen Steve oopgemaak ná hy op sosiale media die “+” langs die afkorting LGBTQIA+ bevraagteken het.
“Ek bedank almal van julle wat hande met my en my familie vat deur hierdie tyd. Ons sal weekliks terugvoering gee aangaande die fondse.”
Die bankbesonderhede vir die regsfonds is op Devon Hofmeyr se Facebook-blad beskikbaar.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
