Lees ook: Oorsteek van 1.5°C-drempel vir aardverwarming gaan hele 2024 duur
KZN. – Twee tieners (15 en 16 jaar oud) is in hegtenis geneem vir ‘n moord wat gister, glo tydens ‘n bendegeveg, in Queenspark-keerweg, Shastripark, Phoenix, plaasgevind het.
‘n Inwoner het die Reaksie-eenheid SA (Rusa) geskakel om ‘n tiener (16) wat met ‘n skerp voorwerp gesteek is, te help. Rusa het op die toneel aangekom en die tiener met steekwonde aan sy bors, middellyf en rug aangetref. Hy is op die toneel dood verklaar. Nog ‘n tiener het ‘n steekwond aan sy kop gehad en is op die toneel behandel.
Die oorledene en vier van sy vriende is glo deur tien ander tieners genader. Hulle het hom na bewering oor die ouerskap van ‘n ander leerling se kind ondervra.
Die tieners het begin stry en die tien leerlinge het die vyf aangeval en toe gevlug. Twee van hulle het na die toneel teruggekeer en is in hegtenis geneem.
Bronne: Facebook
Lees ook: Oorsteek van 1.5°C-drempel vir aardverwarming gaan hele 2024 duur
