KWAZULU-NATAL. – ‘n Tienerseun (16) het vermoedelik verdrink toe hy Woensdag omstreeks 17:00 deur ‘n stroom by Mtwalume-strand meegesleur is.
Mi7 National Goup sê hul paramedici is vir ‘n verdrinking na die toneel gestuur.
Die seun het by die geïsoleerde strand geswem en is glo deur sterk strome dieper in die water ingetrek. ‘n Verbyganger het die seun sien sukkel en het hulp ontbied.
‘n Soektog met ‘n hommeltuig van meer as ‘n uur moes vanweë swak lig en troebel water afgestel word, maar is die volgende oggend voortgesit.
Die polisie se soek-en-reddingspan van Port Shepstone was deel van die soektog.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel
