SUID-INDIESE OSEAAN.- Die tropiese sikloon Djoungou wat Donderdag in die Suid-Indiese oseaan gevorm het, hou volgens Metservice geen gevaar vir Madagaskar in nie. Volgens hulle beweeg dit in ’n suidoostelike rigting nadat die storm aanvanklik suidwes beweeg het.
Die sikloon het Sondag kategorie vier-sterkte bereik en laatmiddag afgeneem tot ’n kategorie drie-sikloon. Volgens voorspellings sal Djoungou Woensdag energie verloor en slegs as ’n tropiese storm geklassifiseer word.
Daar is egter vir die volgende twee dae deinings van meer as vyf meter vir kusgebiede by Mauritius, St Brandon en Rodrigues voorspel. Mauritius se weerdiens monitor die beweging van Djoungou.
Bronne: Cyclocane, Metservice, Wunderground
Kry jou nuutste nuus elke oggend per e-pos. Teken hier aan:
