OOS-KAAP. – Twee verdagtes is Donderdag in Mthatha noodlottig gewond tydens ‘n skietgeveg met die polisie.
Lt.kol. Siphokazi Mawisa sê volgens inligting het die polisie ‘n wenk ontvang van verdagtes wat na bewering geld van plaaslike besighede in die Ngcengane-woonbuurt in Gaduka afgepers het.
Lede van die Nasionale Intervensie-eenheid het vinnig op die wenk gereageer en ‘n VW Polo geïdentifiseer wat deur die verdagtes bestuur is.
Die twee verdagtes, beide 35 jaar oud, is noodlottig gewond. Die polisie het twee ongelisensieerde vuurwapens en ammunisie, sowel as ‘n onbekende bedrag geld, gekonfiskeer.
“Die saak sal vir ondersoek na die onafhanklike polisie-ondersoekdirektoraat oorgeplaas word,” het lt.kol. Mawisa gesê.
