FAIRBREEZE. – ’n Verdagte wat glo ’n inwoner met ’n mes gedreig het, is gistermiddag in Fairbreeze, KZN, doodgeskiet.
Lees ook: Amerikaanse vlootvliegtuig stort neer in baai
Reaksie-eenheid SA (Rusa) is geskakel na die verdagte geskiet is. Hy is in sy regterfemur geskiet en is oorlede aan bloedverlies.
Volgens die inwoners is die verdagte iemand wat skroot bymekaarmaak in die gebied. Hy het glo gister by ’n erf ingebreek en was na bewering besig om te steel toe ’n buurman hom raaksien. Hy het op die vlug geslaan, maar het later teruggekeer om die buurman se bakkie met klippe te gooi.
Die buurman het uitgegaan om hom te konfronteer, toe die verdagte glo ’n mes uithaal en op hom afstorm. Die buurman het hom met sy gelisensieerde vuurwapen in die been geskiet. Die verdagte het probeer weghardloop, maar het ineengestort.
Bronne: Facebook
