NOORDWES. – Olebogeng Mampe Kale (33) het op beskuldiging van moord in die Kgomotso- periodieke hof verskyn, nadat sy pa, ma en suster op 15 November gesterf het. Kale het sy borgaansoek laat vaar.
Sivenathi Gunya, woordvoerder vir die NVG, sê die saak teen Kale is vir verdere ondersoek tot 23 Desember uitgestel terwyl hy in aanhouding bly. Hy is op drie aanklagte van moord aangekla.
Die familie het om ‘n koffietafel gesit toe Kale na bewering ingekom en eers sy pa met ‘n knopkierie oor die kop geslaan het voor hy sy ma en suster met dieselfde knopkierie aangerand het. Al drie is op die toneel dood verklaar.
