MPUMALANGA. – Drie verdagtes, vermoedelik betrokke in die poging tot moord op ‘n man (30) wie se hande op 20 Maart afgekap is, is Woensdagaand in Vosman in hegtenis geneem.
Kol. Donald Mdhluli sê die verdagtes, tussen die ouderdom van 20 en 55 jaar oud, van dieselfde familie, is deur ‘n span van verskeie eenhede wat saamgewerk het in hegtenis geneem. Inligting van die verdagtes is deur die span ontvang en ‘n operasie is geloods. Die span is tydens die operasie na ‘n huis in Vosman waar die verdagtes takties vasgetrek is.
Die slagoffer se hande is soos voorheen berig Maandag in die omgewing van die misdaadtoneel gevind. Die beseerde man is steeds in die hospitaal waar hy aansterk.
Die verdagtes sal op 2 April in die Emalaheni-landdroshof (Witbank) verskyn.
“Well done to the team for the arrest of the three suspects after spending sleepless nights for days. We are adamant that the remaining suspects will soon join in. We trust that justice will be served for the victim, ” sê lt.genl. Semakaleng Daphney Manamela.
