GAUTENG. – Soos bo in die video gesien kan word, het die polisie Dinsdag suksesvol op ‘n dwelmlaboratorium op De Deur toegeslaan.
Die polisie het inligting van ‘n verdagte eiendom in De Deur ontvang, waarna ‘n operasie deur die Sedibeng-blitspatrollie en honde-eenheid geloods is. Die eiendom is deursoek en die polisie het op ‘n dwelmlaboratorium, toerusting en materiaal ter waarde van R2.3 m. afgekom.
Al die dwelmvervaardigingstoerusting sowel as Mandrax is gekonfiskeer. Vier verdagtes, tussen 37 en 56 jaar, onder andere die eienaar van die eiendom, is in hegtenis geneem.
Die verdagtes sal binnekort op aanklagte van dwelmbesit, -handel en -vervaardiging verskyn.
