NOORD-KAAP. – ‘n Peuter (3) en kleuter (4) van Jan Kempdorp is in ‘n kattebak van ‘n voertuig aangetref nadat hulle Saterdag omstreeks 14:30 deur hulle ouers as vermis aangemeld is. Die peuter is oorlede.
Kol. Cherelle Ehlers sê ‘n soektog na die twee jong seuns is dadelik geloods. Hulle is Maandag omstreeks 15:00 in die kattebak van ‘n motor in die erf van ‘n motorwerktuigkundige gevind.
Die peuter het gesterf, maar die kleuter is dadelik na ‘n hospitaal geneem en is sedertdien ontslaan.
Ehlers sê Jan Kempdorp-polisie het ‘n geregtelike doodsondersoek geregistreer wat ondersoek word.
Die omstandighede en die oorsaak van die peuter se dood sal vasgestel word. Die polisie vra enigiemand met inligting van die insident om lt.kol. Elia Khonkhobe by 082 495 4686 te bel. Inligting sal vertroulik hanteer word.
