GAUTENG. – Vier verdagtes is vir verskeie misdrywe, insluitend moord en kapings, in hegtenis geneem.
Lees ook: Weerwaarskuwings oor donderstorms en moontlike oorstromings uitgereik vir vandag
’n Taakspan het Donderdag (6 Maart) ondersoek by Khumalo Valley oor verdagte aktiwiteite ingestel. ’n Toyota Hilux wat op 6 Maart in Kathlehong as gesteel aangemeld is, is daar gevind, asook nog twee voertuie wat glo vir misdaad gebruik is.
Drie verdagtes is in hegtenis geneem en een het gevlug. Die drie verdagtes het op 10 Maart in die Palm Ridge-landdroshof verskyn toe die polisie inligting ontvang dat die vierde verdagte ook in die rondte is. Hy is buite die hof in hegtenis geneem.
Die vierde verdagte is ook gesoek vir ’n moord in Cleveland in 2022.
Al vier verdagtes is verbind aan kapings sedert 2023. Hulle sal weer op 17 Maart in die hof voorkom.
Bronne: SAPD
Lees ook: Weerwaarskuwings oor donderstorms en moontlike oorstromings uitgereik vir vandag
