OEKRAÏNE. – Vier mense is dood, 20 is gewond en ’n regeringsgebou in Kijif is getref ná ’n Russiese hommeltuigaanval.
Lees ook: Oekraïne en Rusland begin weer môre met skietstilstandsamesprekings – Zelenski
Rusland het ’n aanval met 810 hommeltuie op Oekraïne geloods, waarna Oekraïne se lugmag beweer het dit het 747 hommeltuie en vier vuurpyle afgeskiet.
Twee van die oorledenes was ’n ma en haar drie maande oue baba, wat in ‘n woonstelblok gewoon het wat heeltemal vernietig is.
Die Oekraïense eerste minister, Yulia Svyrydenko, het bevestig die Russiese aanval het die kabinetsgebou in Kijif getref en beskadig. Sy het gesê: “Dit lyk of Rusland nie vrede wil hê nie en nie gereed is vir onderhandelings nie. Ons vra ons vennote om te help om ons lug toe te maak. Kom ons stel sterker sanksies teen Rusland in. Kom ons skepveiligheidstelsels wat sal help om die vyand te stop”.
Bronne: The Independent, Irish Independent, BBC
Lees ook: Oekraïne en Rusland begin weer môre met skietstilstandsamesprekings – Zelenski
