GAUTENG. – Petrus Thobejane (54), ’n voormalige prokureur van Thobejane PM Attorneys in Centurion, het Maandag op 31 aanklagte van diefstal ter waarde van R8,3 miljoen in die Pretoria-landdroshof verskyn.
Lumka Mahanjana, NVG-woordvoerder, sê volgens die aanklagte het Thobejane glo tussen November 2024 en Oktober 2025 kliënte bedrieg deur aan te bied dat hy hulle sal help met eiendomsoordragte. Nadat die kliënte geld aan hom oorgedra het, het hy glo nie dienste gelewer nie, het onbereikbaar geraak en het nie die geld terugbetaal nie. Die kliënte het die saak by die prokureursraad aangemeld, waarna die polisie ondersoek ingestel het. Thoobejane is op 13 November by sy huis in Centurion in hegtenis geneem.
Die hof het die saak vir borgtongondersoeke tot 24 November uitgestel.
