Lees ook: Harry en Meghan se Archewell Foundation in moeilikheid oor onbetaalde fooie
VK. – ‘n Vrou wat haar tweeling gered het deur ‘n krokodil op die snoet te slaan, het die King’s Gallantry-medalje in Engeland ontvang.
Georgia Laurie (31) en haar suster Melissa was verlede jaar op ‘n vrywilligersvakansie in Puerto Escondidio toe die aanval plaasgevind het. Die susters het in ‘n rivier gaan swem saam met ‘n paar ander mense. Melissa het eerste die krokodil gesien en vir Georgia en die ander mense gewaarsku om uit te klim. Die krokodil het Melissa gegryp net toe Georgia uit die water geklim het.
Georgia is terug in die water in en het Melissa gekry waar sy dryf. Sy kon haar sover kry om te reageer, maar die krokodil het teruggekom en Melissa weer gebyt. Georgia het toe die krokodil op die snoet begin slaan tot dit Melissa gelos het. Dit het hulle nog ‘n keer probeer vang, maar Georgia het dit herhaaldelik geslaan tot dit weggegaan het.
Melissa het diep snye aan haar been, voet en bolyf gehad en Georgia se hande het seergekry.
Bronne: BBC, People, The Independent
Lees ook: Harry en Meghan se Archewell Foundation in moeilikheid oor onbetaalde fooie
