KWAZULU-NATAL. – Shereen Mathey is op 26 Februarie dood, met haar keel gesny en verskeie steekwonde aan haar liggaam, in haar huis in Pietermaritzburg gevind.
Volgens Women For Change is sy na bewering deur Azad Ebrahim, haar lewensmaat, vermoor, voordat hy homself in ‘n ander kamer opgehang het.
Mathey was volgens die blad se plasing op sosiale media ‘n aktivis vir geslagsgebaseerde geweld en was aktief in haar gemeenskap betrokke.
Sy word deur haar drie kinders oorleef.
Nuusflits het polisiekommentaar gevra.
