VSA. – Donald Trump se administrasie oorweeg om burgers van nog 36 lande, waarvan 25 in Afrika, te verhoed om na die VSA te reis.
Lees ook: Trump verbied inwoners van 12 lande om na VSA te reis
In ‘n interne diplomatieke memorandum wat deur die minister van buitelandse sake, Marco Rubio, geteken is, stel sy departement voor dat burgers van nog 36 lande verbied word van reis na die VSA tensy stappe geneem word om hulle veiligheidsmaatreëls te verbeter. Volgens die memorandum sal die lande 60 dae hê om aan die VSA se veiligheids- en identiteitsverifikasiestandaarde te voldoen, of burgers sal verbied word om na die VSA te reis.
Die lande wat deur ‘n verbod in die gesig gestaar word, sluit in: Angola, Benin, Burkina Faso, Kameroen, die Ivoorkus, Republiek die Kongo, Djiboeti, Egipte, Ethiopië, Gabon, Gambië, Ghana, Liberië, Malawi, Mauritanië, Niger, Nigerië, Senegal, Suid-Soedan, Soedan, Sirië, Tanzanië, Uganda, Zambië, Zimbabwe, Bhoetan, Kambodja, Kirgistan, Tonga, Tuvalu, Vanuatu, Antigua en Barbados, Kaap Verde, Dominica, Saint Kitts en Nevis, Saint Lucia, São Tomé en Principe.
Bronne: AllAfrica, Daily Mail, The Times of India
Lees ook: Trump verbied inwoners van 12 lande om na VSA te reis
