WES-KAAP. – ‘n Swemmer wat vermoedelik onder die invloed van alkohol was, het Woensdag ten spyte van waarskuwings van rotse af geduik, waarna hy gesterf het.
Alderman JP Smith sê ‘n lewensredder het glo die oorledene gewaarsku om nie van die rotse in ‘n vlak area in te duik nie. Die man het egter geduik en het nie weer bo die water verskyn nie. Lewensredders het ondersoek ingestel en die man uit die water gehaal. KPR-toepassing was onsuksesvol en die man het gesterf.
“In hierdie geval, alkohol en water, moenie meng nie!”
Smith waarsku daar word van langafstand CCTV-kameras en hommeltuie gebruik gemaak om oortreders te identifiseer. Hy sê voorts beamptes ken alle truuks om alkohol op die strande te bring. Drank sal gekonfiskeer word en oortreders beboet word.
Foto: Alderman JP Smith
