KWAZULU-NATAL. – ‘n Weldoener het Sondag omstreeks 11:45 twee kinders by Casuarinastrand, La Mercy, aan die Noordkus gered.
Die NSRI in Ballito het ‘n oproep van ‘n ooggetuie ontvang oor twee kinders wat in die moeilikheid in die see was.
Die Ballito-span is van ‘n roetine-oefening ontbied en is met ‘n jetski met ‘n reddingswemmer en ‘n reddingstuig na die toneel. Hulle het ‘n groot groep mense teëgekom wat vertel het ‘n man het reeds beide die kinders suksesvol gered en hulle aan hulle oppasser oorhandig.
Die kinders het geen beserings opgedoen nie.
Die vinnige reaksie van die onbekende weldoener word deur die NSRI geprys.
