Zoë Uithaler (10), wat byna twee weke lank in die hospitaal was nadat sy bo-op ’n swaai geval het, is Vrydagoggend ontslaan.
Vanoggend ontslaan
Zoë het in die hoësorgeenheid van Gariep MediClinic beland nadat sy op ’n swaai, wat nie stewig in die grond vas was nie, geval het. Sy was tot Sondag aan ’n ventilator gekoppel en is vanoggend ontslaan.
Kry behandeling
“Ek sou nie sê Zoë is al 100% reg nie, maar sy sterk goed aan,” sê haar tannie, Lauren Nyambi. “Sy is nog swak en baie angstig, maar sy kry terapeutiese behandeling.”
Alhoewel sy steeds ’n effense swelling het, is daar geen permanente skade nie. “Die dokter sê dit sal weggaan met tyd en hy is tevrede,” vertel Nyambi.
