Oudpresident Jacob Zuma is deur die ANC se dissiplinêre komitee skuldig bevind aan oortreding van die party se grondwet en uit sy geledere geskors.
Zuma se dissiplinêre verhoor het op 23 Julie plaasgevind en die skuldigbevinding is op 28 Julie bekend gemaak. Die oudpresident mag binne 21 dae appèl teen die skuldigbevinding en skorsing aanteken.
Volgens die dissiplinêre verhoor se bevindinge het Zuma die integriteit van die ANC skade aangedoen deur teenstrydig met die ANC die leier van die MK-party te wees en diens vir die party, veral tydens die verkiesing, te verrig.
Die MK-party het sy skok uitgespreek, aangesien hulle van die bevindinge in die media gelees het.
Lees beide die ANC en MK-partye se volledige verklarings hier onder:
